ઓસ્કાર એવોર્ડ વિજેતા એ આર રહેમાને ખાસ ગુજરાત માટે જ કમ્પોઝ કરેલા જય જય ગરવી ગુજરાત ગીતે નાના- મોટા સૌને ડોલાવી દીધા હતા. ગીતના તાલે અસંખ્ય કલાકારો સાથે મળીને સ્વર્ણિમ ગુજરાતનો કળશ તૈયાર કર્યો હતો.
રેહમાને કમ્પોઝ કરેલું જય જય ગરવી ગુજરાત ગીત કાર્યક્રમમા સૌથી છેલ્લે રજૂ કરવામાં આવ્યું હતું.સ્વર્ણિમ કાર્યક્રમમાં રહેમાનનું ગીત સૌથી અલગ તરી આવતું હતું. અંદાજે પાંચેક મિનિટ લાંબા આ ગીતની શરૂઆતની કડીથી જ સૌ કોઇ પામી ગયા આ એ જ ગીત છે જે રહેમાને કંમ્પોઝ કર્યું છે. જય જય ગરવી ગુજરાતમાં રહેમાનની આગવી ઓળખ છલકાઇ આવતી હતી.
જય જય ગરવી ગુજરાતમાં શરૂઆતમાં ધુમાડા અને રંગબેરંગી રોશની દ્વારા આકાશમાં એક અલગ સેડ રજૂ થયો હતો. ગીતમાં ગુજરાતની સંસ્કૃતિ, ઉત્સવ ને લોકજીવનને વણી લેવામાં આવ્યા હતા.
જ્યારે રહેમાનું ગીત રજૂ કરવામાં આવ્યું ત્યારે સ્વર્ણિમ ઉત્સવના બધા જ કલાકારો પોતાની કળા સાથે સ્ટેડિયમમાં લોકો સમક્ષ રજૂ થયા હતા. કલાકાર છોકરી અને છોકરાના ડ્રેસમાં રોશની લગાવેલી હોઇ સ્ટેડિયમા ઝગારા મારતું હતું….
